ދިވެހިރާއްޖޭގެ އެކްސްޕޯޓް އިމްޕޯޓް ޤާނޫނުގެ 6 ވަނަ މާއްދާވެސް އިސްލާޙްކުރަމާ
ދިވެހިރާއްޖޭގެ އެކްސްޕޯޓް އިމްޕޯޓް ޤާނޫނުގެ 6 ވަނަ މާއްދާގައިވަނީ "... އެޑްވެލޮރަމް ޑިއުޓީ ދައްކަންޖެހޭ މުދަލަށް ޑިއުޓީ ދެއްކުމުގައި މުދަލުގެ އަގުކަމަށް ބަލާނީ، އިންޝުއަރކޮށްގެން ގެންނަ މުދަލަށް އެ މުދަލުގެ ސީ.އައި.އެފް އަގެވެ. އިންޝުއަރ ނުކޮށް ގެންނަ މުދަލަށް އެމުދަލެއްގެ ސީ.އެންޑް.އެފް. އަގެވެ." މިހެންނެވެ.
މިގޮތަށް އިމްޕޯޓް ޑިއުޓީ ނެގުމަކީ ބާޒާރުގައި މުދަލުގެ އަގު ބޮޑުވާން ދިމާވާ އެއްސަބުބުކަމުގައި ދެކެމެވެ. އެހެނީ މިސަރަހައްދުގެ ހުރިހާ ޤައުމަކަށް ބެލިއަށް، ދިވެހިރާއްޖެއަކީ މުދާ އިމްޕޯޓް ކުރުމަށްޓަކައި ހޭދަކުރަންޖެހޭ 'ފްރައިޓް' ނުވަތަ ނާލުގެ އަގު އެންމެ ބޮޑު ޤައުމުކަމަށްވާތިއެވެ. މިކަންމިހެން ދިމާވާ އެއްސަބަބަކީ މުދާ އުފުލާ ބޯޓްތަކުން ރާއްޖެއަށް މުދާ ގެނެސް އަނބުރާ ދާންޖެހެނީ ގާތްގަނޑަކަށް މުޅިންހެން ހުސްއަތާ ކަމަށްވާތީ، ޝިޕިންގ ލައިންތަކުން ރާއްޖެއަށް ނާލު ކަނޑައެޅުމުގައި ބޯޓް އަނބުރާ ދިއުމުގެ ޚަރަދުވެސް ރާއްޖެ ގެންނަ މުދަލުގެ ނާލުގެ ތެރޭގައި ހިމަނަން އެފަރާތްތަކަށް މަޖުބޫރުވާތީއެވެ.
އަދި މިގޮތަށް ސީ.އެންޑް.އެފް ނުވަތަ ސީ.އައި.އެފް އަގަށް (މުދަލުގެ އަގުގެ ތެރޭގައި ނާލު ހިމެނުމުންޖެހޭ އަގަށް) ބިނާކޮށް އިމްޕޯޓް ޑިއުޓީއަށް ނަގާ އަގު ކަނޑައެޅުމުން ދުނިޔޭގެ ބާޒާރުގައި ތެލުގެ އަގު ބޮޑުވެގެންދާ ވަގުތުތަކުގައި ޝިޕިންގް ލައިންތަކުން ނާލު ބޮޑުކުރުމުން ރާއްޖޭގެ ބާޒާރުގައި ހަމައެކަނި އަގު ބޮޑުވެގެންދަނީ ތެލުގެ އަގެއް ނޫނެވެ. ރާއްޖެއަށް އިމްޕޯޓްކުރާ އެހެން ހުރިހާ މުދަލަކަށް މިކަމުގެ ސީދާ އަސަރުކުރާގޮތް މެދުވެރިވެއެވެ.
އެހެންކަމުން، އިމްޕޯޓް ޑިއުޓީ ނެގުމުގައި އެފް.އޯ.ބީ (ތަކެތީގެ އަގާއި، ބަނދަރުގައި، ނުވަތަ ވައިގެ ބަނދަރުގައި އޮތް އުޅަނދަކަށް އެތަކެތި އެރުވުމާ ހަމައަށް ހިނގި ޚަރަދު) އަގަކީ މުދަލަށް ޑިއުޓީ ދައްކަންޖެހޭ އަގުކަމުގައި ބަލާގޮތަށް ހަމަޖެހިއްޖެނަމަ ރާއްޖެއަށް އެތެރެކުރެވޭ ހުރިހާ މުދަލަކަށްވެސް އިމްޕޯޓް ޑިއުޓީގެ ގޮތުގައި ދައްކަންޖެހޭ އަގު ކުޑަވެގެންދާނެއެވެ. އަދި ދުނިޔޭގެ ބާޒާރުގައި ތެލުގެ އަގު މައްޗަށްދާ ކޮންމެ ދަނޑިވަޅެއްގައި އެހެނިހެން މުދަލުގެ ބާވަތްތައް ހަމައެނިސްބަތުން ބޮޑުވެގެން ދިއުން ކޮންމެވެސް ވަރަކަށް ކޮންޓްރޯލް ކުރެވިގެންދާނެކަމަށް ދެކެމެވެ.
ވީމާ، ދިވެހިރާއްޖޭގެ އެކްސްޕޯޓް އިމްޕޯޓް ޤާނޫނަށް އިސްލާޙް ގެނެވޭއިރު މިޤާނޫނުގެ 6 ވަނަ މާއްދާއަށް އިސްވެދެންނެވި އިސްލާޙް ގެންނެވުމަށް ވިސްނެވުމަކީ ހެޔޮ ބަދަލަކަށްވާނެ ކަމެއްކަމުގައި އަޅުގަނޑަށް އުއްމީދުކުރެވެއެވެ.
Not the right time to introduce tax custs. Need to establish mechanisms to increase government revenue, before it gives up on customs duty.
ReplyDeleteAt this point in time one solution could be allow importers to pay customs duty stretched over a period of time instead of having to pay the entire tax upfront. That will help boosting the economy and the Government not losing revenue. Getting two birds from one stone. ehehehe .....
Good luck
sorry about couple of miss spellings and errors. but i guess you get my point ....
ReplyDelete