ދައުލަތް ހިންގުމުގެ ނިޒާމް
ދިވެހިރާއްޖޭގެ ޖުމްހޫރިއްޔާގެ ހިންގުން ބިނާކުރާނީ ރިޔާސީ ނިޒާމެއްގެ މައްޗަށްތޯ ނުވަތަ ބަރުލަމާނީ ނިޒާމެއްގެ މައްޗަށްތޯ ބެލުމަށް 18 އޯގަސްޓް 2007 ގައި ނެގި ވޯޓުގައި، ވޯޓްލުމުގެ ޙައްޤު ލިބިފައިވާ އާބާދީގެ 77 ޕަސެންޓް (ގާތްގަނޑަކަށް 150,000 މީހުން) އަށް ވުރެ ބޮޑު އާބާދީއެއް ބައިވެރިވެފައިވެއެވެ. އެވޯޓްގައި ބައިވެރިވި މީހުންގެ ތެރެއިން 62 ޕަސެންޓް މީހުން ރިޔާސީ ނިޒާމެއް ބޭއްވުމަށް ވޯޓް ދިންއިރު، ބަރުލަމާނީ ނިޒާމެއް ބޭއްވުމަށް ތާއީދުކޮށްފައިވަނީ 38 ޕަސެންޓް މީހުންނެވެ. އަދި އެނަތީޖާއަށް ބަލައި ދިވެހިރާއްޖޭގެ ޖުމްހޫރިއްޔާގެ އާ ޤާނޫނު އަސާސީ 2008، އެކުލަވާލާފައިވަނީ ދައުލަތް ހިންގުމުގެ 3 ބާރު (ވެރިކަމުގެ ބާރާއި، ޤާނޫނުހެދުމުގެ ބާރާއި، އަދުލްއިންސާފް ޤާއިމުކުރުމުގެ ބާރު) ރިޔާސީ ނިޒާމެއްގައި އެތުރިފައިވާ އޮންނަޖެހޭނެކަމަށް ޢާންމުކޮށް ޤަބޫލުކުރެވޭ ވިސްނުންތަކުގެ މައްޗަށްކަމުގައި އަޅުގަނޑުމެން އެންމެވެސް ޤަބޫލުކުރަމެވެ.
ނަމަވެސް، ރާއްޖޭގައި އޮންނާނީ ރިޔާސީ ނިޒާމެއްތޯ ނުވަތަ ބަރުލަމާނީ ނިޒާމެއްތޯ ބެލުމަށް ރައްޔިތުންގެ މެދުގައި ވޯޓެއް ނެގުމަށް ބޮޑު ކެމްޕޭނެއްކުރެވި، ދައުލަތުން ބޮޑު ހޭދައެއް ކުރެވިފައިވާއިރު، 2008 ގައި އަލަށް އެކުލަވާލި ޤާނޫނު އަސާސީގައި ދިވެހިރާއްޖޭގެ ޖުމްހޫރިއްޔާގެ ހިންގުން ބިނާކުރަންވާނީ ރިޔާސީ ނިޒާމެއްގެ މައްޗަށްކަމަށް ކަނޑައެޅި ބަޔާންކޮށްފައިވާ އެއްވެސް މާއްދާއެއް އަޅުގަނޑަކަށް އަދި ފެނިފައެއްނުވެއެވެ. އެއީ ފަހަރުގައި އަޅުގަނޑުގެ ކިބައިގައި ހުރި ނާޤާބިލުކަމަކަށްވެސް ވެދާނެއެވެ. ކޮންމެގޮތެއްގައި ނަމަވެސް، އެފަދަ އިޝާރާތެއް ކަނޑައެޅި ބަޔާންވެފައިނެތްކަމީ އެކަމާ ހަމަގައިމުވެސް އަޅުގަނޑު ހިތާމަކުރާކަމެކެވެ.
good point. i have skimmed thru the constitution and so far failed to find any reference. but i guess the fundamental framework of the constitution is based purely on a presidential system, and it is quite apparent if you read the sections on executive, legislative, and justice affairs.
ReplyDeleteThe system of Govenment was determined after a public referendum. However, under the section concerning amendment of constitution, change in the system of Government is not included under the amendments that need a public referendum.
ReplyDelete